Byggðasamlagið Oddi bs annast rekstur Grunnskólans á Hellu. Skólahverfi Grunnskólans á Hellu nær yfir svæðið frá mörkum sveitarfélagsins í austri að Ytri Rangá í vestri, auk þess teljast Þykkvibær og bæirnir í Bjóluhverfi og á Ægissíðu til skólahverfisins.
Grunnskólinn Hellu
-
-
Haustönn – miðönn – vorönn
Skólaárið skiptist í þrjár annir. Krakkarnir í 1. – 7. bekk eru í smiðjum 4 tíma í viku. Þar að auki eru nemendur í 5. – 7. bekk í SNS tímum með áherslu á stærðfræði, nýsköpun og rökhugsun. Nemendur í 8.- 10. bekk eru í valtímum sex kennslustundir í viku.
-
Grænn skóli
Skógræktarsvæði skólans er austan við þorpið, norðan þjóðvegar. Þar hefur verið plantað frá árinu 1996. Heitir þar Melaskógur. Við höfum unnið að vistheimtarverkefni í samvinnu við Landvernd í mörg ár. Útikennsla hefur verið á stundatöflu skólans frá árinu 2007. Grunnskólinn á Hellu fékk Landgræðsluverðlaunin árið 2015. Skólinn hefur verið grænfánaskóli frá árinu 2008.
-
Lifandi skóli
Á hverju skólaári erum við með þrjár stórar hátíðir, Bæjarhelluna, jólahátíð og vorhátíð. Allir nemendur skólans koma að öllum þessum viðburðum á einn eða annan hátt. Bæjarhellan endar á markaðsdegi þar sem sala á varningi sem nemendur hafa búið til fer fram. Auk þess sem margt annað skemmtilegt er í boði.
Fréttir & tilkynningar
Gul söngstund
Söngstund á yngsta stigi er fastur liður í starfi skólans.
Valgerður Sigurðardóttir stýrir starfinu og var söngstundin í dag sú þriðja sem af er ári. Það var gaman að líta yfir syngjandi hópinn og sjá fallega, bjarta og gula litinn alls ráðandi.
...
Gulur dagur á morgun
Þriðjudaginn 10. september er gulur dagur. Allir sem geta eru hvattir til að taka þátt og sýna þannig stuðning við geðheilbrigði og sjálfsvígsforvarnir.Við tökum að sjálfsögðu þátt og mætum í einhverju gulu í skólann þennan dag (ekki skylda).
Haustferð unglingastigs
Haustferð unglingastigs var farin dagana 5. - 6. september. Ýmislegt skemmtilegt var brallað í ferðinni. Meðal annars var gengið upp í Reykjadal í mildu skúraveðri þar sem sum fóru í náttúrulaugarnar. Eftir gönguna var brunað í sund á Stokkseyri og s...
