Kynning á Jákvæðum aga

Þriðjudaginn 24. september nk. kl. 17:00-18:30 mun Ágúst Jakobsson vera með kynningu fyrir foreldra og aðra aðstandendur á uppeldisstefnunni Jákvæður agi. Kynningin fer fram í Menningarsalnum á Hellu, Dynskálum 8.

Grunnskólinn Hellu innleiddi þessa stefnu haustið 2023 og er nú í miðju þróunarferli.

Jákvæður agi  gengur út á að móta umhverfi í skólum, heimilum og vinnustöðum sem einkennist af umhyggju og byggist á gagnkvæmri virðingu, reisn, vinsemd og festu. 

Jákvæður agi kennir félagsfærni og lífsleikni 

• Meginreglur Jákvæðs aga hjálpa til við að byggja samband væntumþykju og virðingar og þær auðvelda að finna lausnir til frambúðar.  
• Jákvæður agi byggir á kennslu, skilningi, hvatningu og samskiptum.  

Á námskeiðinu læra foreldrar að auka færni sína í foreldrahlutverkinu með aðferðum hugmyndafræðinnar. Megináherslan er á að nýta sér verkfæri Jákvæðs aga sem byggja á góðvild og festu, ásamt því að nýta sér fjölskyldufundi. Þá læra þátttakendur að skilja betur hvað liggur að baki hegðun barna þeirra og finna nýjar leiðir til að leiðbeina þeim.

Afar mikilvægt er að fólk fjölmenni og kynni sér vel fyrir hvað Jákvæður agi stendur. Saman náum við bestum árangri.